Gijónen asko gara, San Lorentzo hondartzako itsas pasealekuan zirkulazioa osasun arrazoiengatik murriztu zenetik, leku enblematiko horren humanizazioaz gozatzen ari garenok.
Trafiko-dentsitate txikiari esker, eremu publiko hori leku atseginagoa da gaur egun, kerik eta ia zaratarik gabea. Eta, ondorioz, osasungarriagoa da, pertsonengan oinarritutako erabilera bultzatu daitekeelako. Gaur egun, itsas paselakuean (Muro-n), oinez, korrika, irristaka, bizikletaz eta autoz ere ibil daiteke, eta ez da soilik igarobide bat: umeak, adinekoak, lagunak, familia eta auzotarrekin sozializatzera eta gozatzera gonbidatzen gaitu. Oro har, Muro-a irisgarriagoa bihurtu da Gijón osoarentzat, maila soziala edo gaitasun fisikoak gorabehera.
Alderdi estetikoak alde batera utzita, hasierako ezarpenaren kostu txikia eta sinpletasuna baloratzen ditugu. Badakigu hobetu daitekeela, eta uste dugu udal gobernuak ere hori nahi duela, aurkeztu duen proiektu berriarekin. Eta, era berean, uste dugu oso denbora gutxian bere funtzioa bete duela, eta onura nabarmenak izan direla, eta gozatu dugula. Ez dugu atzera bueltarik nahi.
Gure hiria, zoritxarrez, kutsatuenetako bat da Espainian, eta Europako kutsatuenetako bat izatera bidean da. Azterketa epidemiologiko ugarik lotzen dute poluzio atmosferikoa heriotza goiztiarrekin eta ospitaleratze handiekin. Ingurumen- eta gizarte-arazo larrien berri ematen diguten irizpide tekniko eta zientifikoei kasu egin behar diegu.
Gijóngo auzoen arteko joan-etorri gehienak oinez egiten dira, neurriko hiri batean bizi garelako, distantziari dagokionez. Hala ere, zirkulazioa neurriz kanpokoa da eremu publikoan, oinezkoek edo beste garraiobide iraunkorrek espazioaz egiten duten erabilerarekin alderatuz gero. Berriki egindako azterketa eta diagnostikoek adierazten dute Gijónen eremu publiko eta berdeen eskasia larria dela. Beste hiri batzuek normalizatu dituzte aldaketa horiek pertsonen bizi-kalitatea eta merkataritzaren eta ingurumenaren egoera hobetzeko, Klima Aldaketari eta Energia Trantsizioari buruzko Lege berriak eta Europako funtsekin lotutako beste neurri batzuek eskatzen duten bezala. Neurri horiek, eskubideak ez ezik, betebeharrak ere ezartzen baitizkigute.
Cascayu-ren iraunkortasuna defendatzen dugunok eta manifestu honen alde egiten dugunok hiri atseginago bat lortzeko nahiak batzen gaitu; hiri bat, non ibilgailuak ez diren egongo hiri plangintzaren erdigunean. Horrelako espazioek Gijón modernoa, ez hain kutsatua, kohesionatuagoa eta osasungarriagoa lortzen laguntzen dute.
Muro-a berriro ere trafikora irekitzen bada, atzerakada izango litzateke, eta ez dugu ulertzen zer onura ekarriko liokeen hiriari. Hauexek dira manifestu hau egiteko eta laguntzeko arrazoiak. Cascayu-k aukera eman zigun berau bizitzeko eta gozatzeko, eta ez diogu uko egingo.
BIZITZEKO GIJÓN BAT IZATEKO ESKUBIDEAREN ALDE, ETA EZ BAKARRIK GIDATZEKO.
¡Egin ezazu bat gurekin, eta defenda dezagun maite duguna!
Contacto:
elmuroparalaspersonas@protonmail.com